დისლიპიდემიის მედიკამენტური მკურნალობა ასაკოვნებში
ლიპოპროტეინების მეტაბოლიზმის დარღვევა წარმოადგენს ათეროსკლეროზული კარდიოვასკულარული დაავადების (ASCVD) მნიშვნელოვან და მოდიფიცირებად რისკის ფაქტორს. მრავალი კვლევითაა დადასტურებული, რომ ლიპიდური ცვლის დარღვევა იწვევს ცუდ კარდიოვასკულარულ გამოსავალს. რამდენადაც კარდიოვასკულარული დაავადება (CVD), მთელ მსოფლიოში, რჩება ავადობისა და სიკვდილობის მთავარ მიზეზად, დისლიპიდემიის მართვას გადამწყვეტი მნიშვნელობა აქვს ASCVD–ის რისკის პირველადი და მეორეული პრევენციისთვის.
